China-in India aṭanga vawk leh vawksa lakluh khap
China General Administration of Customs leh Ministry of Agricultural and Rural Affairs chuan tunhnaia African swine fever (ASF) leng vangin India aṭanga vawk leh vawksa lakluh a khap.
May thla tir khan Assam-ah ASF hri a leng tih hriat a ni a, he hri leng vang hian Assam-a vawk 14,000 chuang an thi a ni. Hei vang hian China chuan India aṭanga vawk lakluh hi a khap chhunzawm a ni. India leh China inkarah hian tunhnai lawk khan ramri chungchangah intih thiam lohna a awm a, hei vang hian China hian lakluh hi a khap zui ta niin a lang bawk.
India leh China inrina bula awm Galwan Valley region-ah dan dik loin India sipaite chuan China huam chhungah defence facility an sa tih China lam chuan a tarlang a, hei vang hian India leh China inkar hi a ṭha lo hle a ni.
Ministry of External Affairs thupuangtu Anurag Srivastava chuan ramria buaina an neih chu chinfel thuai a nih tur thu leh muanna a awm vat tur thu a sawi.