Odisha BJP-te'n Ram temple hawn ni chawlha puang turin duh

Odisha state unit Bharatiya Janata Party (BJP) chuan January 22-a Ram temple hawnna, prime minister Narendra Modi-a'n a neih hunah Odisha-a Naveen Patnaik-a kaihhruai sorkar chu chawlh puang tura an ngen thu an sawi.

Odisha legislative assembly-a opposition leader ni lai leh BJP hruaitu hlui, Jaya Narayan Mishra chuan Pran Pratistha neih tur leh January 22-a Prime Minister-in Ram temple hlan thianghlim zawha hawnna a neih tur thu tarlangin,"Hindu pathian ropui tak, Prabhu Shri Ram pualin hun kan hmang dawn a ni a, ram pumin he hun hi kan ngaihven anga kan tel dawn a ni, Odisha tan pawh hun hlimawm leh chhinchhiahtlak a tling a ni," tiin, Ram-a zuitute'n hunpui an hman theih nan January 22 chu chawlha puang turin a ngen. BJP state unit-te hian CM Patnaik hnenah hian lehkha an thawn.

Naveen Patnaik-a sorkar hian January 17 hi Shree Mandir Parikrama Prakalpa pualin chawlhah a lo puang tawh a, sorkar office zawng zawng bakah sikul leh college-te an chawl dawn a ni.