Naupang 19-in PM National award dawng dawn

Kawng hrang hranga hlawhtlinna an chan avanga naupangte hnena chawimawina pek ṭhin, Pradhan Mantri Rashtriya Bal Puraskar (PMRBP) chu January 22 hian India President, Droupadi Murmu chuan a hlan dawn.

Heng chawimawina hlan tur naupangte hi mipa pakua leh hmeichhia 10 an ni a, art & culture lamah te, huaisenna, thil siamchhuah, science & technology, infiamna leh khawtlang tana hnathawh ṭhat kawngahte an chet ṭhat avanga pek turte an ni. Chawimawina dawngtute hi January 23-ah prime minister Narendra Modi chuan kawmna hun a hmang ang a, union women and child development minister, Smriti Zubin Irani chuan he hun hi a hmanpui ve dawn bawk a ni.

Pradhan Mantri Rashtriya Bal Puraskar (PMRBP) dawng turte hi state leh union territory 18 aṭanga thlante an ni a, naupang kum 5 aṭanga kum 18 inkarte hnenah hlan ṭhin a ni. Award dawngtu zawng zawngte hi certificate leh medal hlan vek an ni ṭhin.