Bihar-ah zu khapna dan hmang ṭan

Bihar state chuan April 1 aṭangin tualchhung siam zu khapna dan chu a hmang ṭan ta.

Zu khapna dan siam hnuaiah hian tualchhunga zu siam, zawrh leh hralh leh in khap a ni a, dan bawh-chhiate chu Bihar Excise (Amendment) Act, 2016 hnuaiah hrem theih a ni ang. Hetihlai hian ramdang siam, Indian Made Foreign Liquor (IMLF) erawh chu hmun ṭhen-khatah hralh phal a la ni dawn thung. Hengte hi Bihar State Be-verages Corpo-ration Ltd (BSBCL) hnuaiah zawrh a ni ang.

Excise and Prohibition department leh government agency bakah district roreltute chuan zu khapna dan hman hi a hlawhtlin theih nan hma an la nghal a ni.

Patna District Magistrate Sanjay Kumar Agarwal chuan tualchhung siam khapna hman ṭan a nih dawn vang hian senior official-te hriatpuiin zu bur nuai 13.5 chu Khagaul-a Bihar State Beverages Corporation Ltd (BSBCL) godown-ah tihchhiat a nih thu a sawi a, an zu tihchhiat hlut zawng hi cheng vaibelchhe 3 hu vel a ni. Magistrate-te chuan zu zawrhna dawr hrang hrangte pawh an kharsak nghal tih a sawi bawk.

CM Nitish Kumar chuan IMFL chu khawpui huam chinah chauh zawrh chhuah a ni dawn tih a sawi a, zu zawrhna hmunahte chuan CCTV pawh dah vek a ni tih a sawi.