Republic TV CEO Vikas Khanchandani an man
Republic TV chief Vikas Khanchandani chu Mumbai-ah TV Rating lem siam vangin an man a, he thubuaia an man 13-na a ni tawh.
TV rating scam chungchangah hian October 6 khan Mumbai Police-te chuan First Information Report an ziak lut a, hemi hnu hian an chhui ṭan nghal. Hansa Research official Noton Deokar-in complaint a thehluh avangin FIR hi ziah luh a ni.
Republic Media network neitu ARG Outlier Media Private Limited chuan an group leh an hnathawkte humna tur hian Supreme Court-ah ngenna an lo thlen tawh a, mahse hei hi SC chuan kar khar pawh la liam loah khan a lo hnawl tawh thung.
Justice DY Chandrachud chuan petition lut chu a nihphung hrim hrimah a sang hle tih sawiin, Maharashtra Police-te chu tuman man loa CBI-a case sawn an duh lo a nih chuan an ngenna thehluh chu hnukkir leh turin a ti hial.
Republic TV hekna chung chang an chhuizui hnu hian Mumbai police-te chuan rating nei sang ber nia chhal Republic TV hian rating sang an neih theihna atan hian thamna an pe niin an sawi.