West Bengal-a inthlan thawh khatna nei

West Bengal assembly inthlan thawh khatna chu nimin khan bial 18 ah nei a ni.

Vote thlakna bial hi West Midnapore, Bakura leh Purulia district a ni a, venhimna khauh tak hnuaiah mipuiten vote an thlak. Bial 18-ah hian vote nei mi 40,09,171 an awm a, candidate 133 an awm.

West Bengal assembly inthlan thawh ruka neih a ni dawn a, assembly bial 294 awmin, April 11, 17, 21, 25, 30 leh May 5-ah vote thlak chhunzawm leh a ni ang.

Nimina vote thlakna bial 18 zinga bial 13 hi Maoist helho awmna a nih avangin Election Commission chuan vote thlak hun hi dar 4-ah a titawp a, bial dangah chuan zan dar 6-ah vote thlak hun hi khar a ni thung.

Vote a tlak ṭhat thawkhat rin a ni a, nimin chawhnu dar 1 thleng khan bial 18-a vote tla hi 60% a tling tawh a ni.

West Bengal inthlanah hian rorellai, Trinamool Congress leh, Congress leh Left Front thawkdun chu inbei tawk hle tura rin an ni. State danga thawm nei lian tak, BJP erawhin thawm a nei lian lutuk lo.