Zan dar 8 hnuah ATM-ah pawisa dah belh dawn lo

Sorkar laipui chuan ATM-a pawisa dah tur phurtu motor-ten beih an tawh ṭhin venna atan zan dar 8 hnu lamah pawisa dahlut tawh lo turin a rawt a, private cash transportation agency-te pawh bank aṭangin chawhma lamah sum lachhuak ṭhin turin a ti bawk.

Home Ministry-in rawtna a siam tharah chuan ATM a sum dah luh belh loh tura tih hi khawpui bikah zan dar 8 chin leh thingtlangah tlai dar 5-ah a rawt. Hei bakah hian pawisa phurtu van-ah CCTV leh GPS dah tur leh, vawi khat kalah cheng vaibelchhe 5 aia tam phur lo turin a ti a ni.

Pawisa phurtu van-te chu armed guard pahnihin an veng tur a ni a, armed guard leh driver-te chu beih an tawh thulh pawhah inven dan tur leh chet lak dan tur training tir vek tura rawt a ni bawk.

Rampumah bank, currency chest leh ATM-a dah tur pawisa dah tur phurtu private van 8,000 vel chu nitin an tlankual a, an sum phurh khual hi cheng vaibelchhe 15,000 vel a ni.