SBI staff-te'n Armed Forces flag day pualin Rs. nuai 34 chuang thawh

Telangana-a Hyderabad circle State Bank of India hnuaia thawkte chuan Armed Forces Flag Day Fund atan Rs. nuai 34.16 an thawh khawm a, hei hi Chief General Manager, Rajesh Kumar chuan Armed Forces Flag Day Fund chairperson, Governor Tamilisai Soundararajan hnenah a hlan.

SBI-a hnathawkte'n armed forces flag day puala an sum thawh khawm hlannaah hian Sainik Welfare director, Col. Ramesh Kumar te, SBI DGM leh CDO Jitendra Kumar Sharma leh CSO, Lt. Cdr Atulya Anand te an tel bawk. Governor chuan SBI hnathawkte thil tih chu lawmawm a tih thu sawiin, ngaihtuahna leh hmalakna ropui tak a nih thu leh, midangte pawh cho chhuak zel se a duh thu a sawi bawk.

Chief General Manager, Rajesh Kumar chuan, "SBI chuan kan ram leh khawtlang tana pek let ve hi kan duhthusam a ni a, Hyderabad circle hnuaia staff-te hian armed forces flag day puala fund khawn hi kan duh tlang a, kum eng emaw zat chu kan lo kalpui tawh bawk a ni, " a ti.