ED-in Jharkhand CM ko leh

Enforcement Directorate (ED) chuan Thawhṭanni khan Jharkhand chief minister, Hemant Soren chu January 27 leh 31 inkarah pawisa chheprelh chungchangah inlan tur leh a statement record turin an ko leh.

Jharkhand CM hi Ranchi land scam chungchangah inhnamhnawihah puh a ni a, January 20 khan ED-te hian Soren hi darkar sarih chuang thu an lo zawt fiah tawh a ni. ED chuan Soren zawhna zawt tur hian an team-in uluk taka thil an kalpui thu sawiin, khawpui chhunga Bariyatu area-a dik lo taka ram inleitir chungchangte pawh zawh a ni, an ti. January 20-a ED-te'n an kohnaa a inlan hnu hian Janaury 27 leh 31 inkara a statement record turin an ko leh a ni.

Hemant Soren hian ED-in an kohnaah hian ṭum sarih lai a inlan lo a, a vawi riatnaah thu zawh fiah tura ED kohna hi a pawm chauh a ni. Soren hi Jharkhand-a mafia-te'n dik lo taka ram zau tak lei leh hralh chungchangah inhnamhnawiha puh a ni. Mahse Soren chuan an puhna hi thu dik lo a nih thu sawiin, Jharkhand-a BJP-in an khin hneh loh avanga kawng danga anmahni beih an tumna niin a sawi ve thung.