Kejriwal-an thupha chawi turin PM a phut

Delhi Chief Minister Arvind Kejriwal-a chuan Prime Minister Narendra Modi chu Pathankot beih chungchang chhui tura India rama Pakistan Joint Investigation Team (JIT) kal tura a sawm avangin thupha chawi turin a phut.

Arvind Kejriwal-a chuan, 'PM Modi hian thupha a chawi ngei tur a ni a, nikum December thlaa Nawaz Sharif-a a hmuh ṭum khan eng ang inremna nge an siam a sawi a ngai a ni" a ti. Delhi CM chuan, 'RSS leh BJP chuan 'Bharat Mata Ki Jai' (Long Live Mother India) tih thu an sawi reng chungin ISI-te chu India ramah an sawm lut leh si a ni. An thiltih avang hian India mipuite an thin a rim a, Modi-a kaihhruai sorkar thiltih dan hi an theihnghilh tawh ngai lo ang" a ti.

Kejriwal chuan a twitter-ah PM chuan ram a phatsan ta nia a ngaih thu pawh a lo sawi tawh a ni.