NIT Srinagar hawng leh ta

Zirlaite inkara buaina chhuak vanga ni thum chhung khar a nih hnuah, Srinagar-a National Institute of Technology (NIT) chu Thawhṭanni khan hawn a ni leh ta.

NIT, Srinagar-ah hian kar kalta Ningani khan World Twenty20 semi-final khelh ṭuma West Indies laka India tlawm chu Kashmir zirlaiten an lawm a, hei hi state pawn lam mi zirlaiten duh loin an intibuai zui a, police koh a ngai hial a ni. Buaina a punlun zel venthawn thilah institute hi khar nghal a ni.

Kar kalta Inrinni khan Human Resource Development ministry team chuan Srinagar hi pan nghalin, NIT director Rajat Gupta an kawm a, college chhunga buaina thlen dante an chhui chiang nghal bawk.

NIT, Srinagar-ah hian zirlai 2,500 vel awmin an zinga a tam zawk chu state pawn lam mi an ni a, Bihar, Uttar Pradesh leh state dang mite niin, Kashmir zirlaite chu a tlem zawk a ni.