UP-ah police 47 damchhung tang turin hrem

Special CBI court chuan Thawhṭanni khan Uttar Pradesh police 47-te chu kum 1991-a dawt hmanga inbeihnaa an inhnamhnawih avangin dam≠chhung tang turin a hrem.

Kum 1991, July 12 khan UP police-te chuan Baduan-ah Sikh sakhaw zuitu, biakzina kalte phurtu bus chu lo dangin, an zinga ṭhalai 10-te chu an hruai chhuak a, bus dangah an chuantir a ni. Mi 10 an hruaichhuahte chu hmun thum≠ah
ṭhenin, police-te hian an kaphlum zui ta nia sawi a ni. Mahse police-te hian an mi mante chu Khalsa helho nia sawiin, an kut aṭanga an man nia an sawi silaite pawh an pholang nghe nghe a ni.

Mi 10-te thah an nih dan hian sawi zui a hlawh hle a, media report hrang hrang chuan police report dik tawk lo dante an tarlang nasa hle. Kum 1992, May thla khan Supreme Court chuan advocate RS Sodhi-a PIL thehluh behchhanin, police-ten helho an kahhlum nia an sawi chungchang chu CBI chhui tir turin thupek a tichhuak a ni. PIL theh≠lutte hian police-te chuan an hnaa an kaisan theihna turin Sikh mi an mante chu hel nia sawiin an kaphlum a ni, a ti.

Hun rei tak he thubuai hi buaipui a nih hnuin, April 1 khan CBI special judge Lallu Singh chuan Sikh mite kahhlumnaa inhnamhnawih police 47-te chu thiam loh a chantir a, nimin khan hremna hi tihchhuah a ni ta a ni. Pawikhawihnaa inhnamhnawiha puh police hi an vaiin 57 an ni a, mahse an thubuai ngaihtuah chhung hian an zinga 10 chu an thi hman a ni.

Sikh group chuan police-ten an kahhlum chhungte hnenah hian z·ngna≠dawmna cheng nuai 50 ṭheuh pe turin an phut bawk.