WBengal inthlanah vote 80% a tla

West Bengal assembly election thawh khatna, Thawhṭanni-a neih takah vote a tla ṭha thawkhat a, bial 18-ah inthlan hi buatsaih niin vote 81% a tla a ni.

Election Commission official chuan inthlanna hi boruak muanawm tak hnuaiah neih a nih thu a sawi a, thil thleng duhawm lo sawi tur a awm lo.

Inthlan thawh khatna neihna, bial 18 zinga 13 hi Maoist hel hluarna bial a ni. Kum 2011-a assembly inthlanah khan heng bial 18-ah hian vote 83.72% a tla pha a ni.

West Bengal assembly inthlan hi thawh ruka neih a ni dawn a, inthlan vuakvetah thil dik lo a thlen lohna turin thuneitute chuan theihtawp an chhuah reng a ni. Enforcement agency chuan pawisa fai cheng vaibel≠chhe thum chuang, zu liter nuai 16.93 chuang cheng vaibelchhe ruk hu, ruihtheih thil dang cheng nuai 77 hu an man tawh. EC-ah complaint eng emaw lut mah se, an complaint thehlutte hi finfiahna awm lo a nih avangin hnawl an ni,