India-in Republic Day vawi 75-na lawm

India Republic Day vawi 75-na chu nimin khan a lawmna pui ber New Delhi-a Kartavya Path-ah hman a ni.President Droupadi Murmu chuan India flag pawt parhin, Republic Day lawmnaah hian France ram president, Emmanuel Macron chu khuallian a ni.

Republic Day parade hi dar 10:30-ah neih ṭan niin Rashtrapati Bhawan aṭangin Raj Path kawng an zawh.

Prime minister Narendra Modi chuan National War memorial tlawhin, martar-te zahna chibai bukna hun a hmang a, memorial-ah hian pangpar a dah bawk. National War memorial hi 1962-a India leh China indo te, 1947, 1965 leh 1971-a India leh Pakistan indo te, Sri Lanka-a Indian peace keeping force leh 1999-a Kargil indona bakah, UN peacekeeping force-a sipai nunna chante tana buatsaih a ni.

Kumin Republic Day parade-ah hian Armed forces medical services-te chuan a vawi khat nan hmeichhia hlang awmna contingent an kaltir a, Delhi police aṭangin hmeichhe hlang awmna continget an tel bawk. A vawi khatna bawk ni turin hmeichhia hlang telna, tri-services contingent an tih; Army, Navy leh Air Force inzawm khawm chu parade-ah hian an tel bawk a ni. Indian army-a infantry regiment upa ber, 1750-a din, Madras regiment te chu parade-ah hian an tel bawk.

R-Day lawmna neih chhunga venhimna kaihhnawih hna thawk tur hian Delhi khawpuiah security force 70,000 chuang dah an ni a, lirthei tlan dan pawh siam rem a ni. 'Viksit Bharat' leh 'Bharat - Loktantra Ki Matruka' tihte chu kumin Republic Day lawmna thupui atan hman a ni.