Telangana-a tang 231-te ngaihdam an ni

Telangana sorkar chuan thuchhuah siamin, nungchang ṭhat avangin Telangana tan ina tang zinga mi 231-te chu ngaihdam an nih thu an tarlang. Heng tang ngaihdamte hi dam chhung tang tura an chungthu rel tawh leh, dam chhung tling lo deuh tang tura an chungthu rel te an ni.

Telangana hian state an nih hnuah tang ngaihdamna hi 2016 leh 2020 tiamin ṭum thum an neihna a ni. An tan hun chhung tur an hman zawh hmaa ngaihdam zinga 212 te hi dam chhung tang tura hrem an ni. Thuchhuahah hian India constitution article 161-nain Governor hnena thuneihna a pek angin, tang 231-te hi ngaihdam an nih thu an sawi. Telangana sorkar hian nikum pawh khan tang ngaihdam tur hi Governor hnenah an thawn tawh a, hei erawh Governor hian a pawmpui lo thung.

Tang ngaihdamte hi Republic Day lawmna pual niin Telangana sorkar chuan an sawi a, state tan inah hian mi 276- te chu kum 10 tang tawh niin, heng zinga mi 62 te chu kum 20 tang tling tawh leh, mi 19 te chu kum 25 leh a aia tam tang tawh te niin an tarlang bawk.