One Nation, One Election chungchangah President hluiin CJI hmu

One Nation, One Election chungchang zir chianna tur atana committee din hruaitu, India president hlui, Ram Nath Kovind chuan Chief Justice of India (CJI) hlui, UU Lalit a hmu. He committee hian Inrinni khan a vawi li-na atan meeting an nei a ni.

Kovind hian Madras High Court chief justice hlui, Sanjib Banerjee leh Bar Council of India (BCI) chairman, Manan Kumar Mishra te a hmu tel bawk. One Nation, One Election panel hian dan hre mi hmingthang tak tak bakah, election commission te, political party te, chief election commissioner bang tawh te leh mi pawimawh hrang hrangte ngaihdan lain an rawn a, ram puma a ruala inthlanna neih chungchanga mipui ngaihdan an la bawk a ni.

Inrinnia panel-in meeting an neih chungchangah hian union law ministry chuan an mi rawnte'n an ngaihdan ṭha taka an hrilh thu sawiin, meeting-a presentation buatsaihah chuan, a ruala inthlan neih chuan a ṭha zawngin ram sum leh pai dinhmun luang ral nasa lutuk a ven tur thu te tarlan a nih thu an sawi. Meeting-ah hian Rajys Sabha MP hlui, Ghulam Nabi Azad bakah, Lok Sabha secretary hlui, General Subhash C Kashyap; chief vigilance commissioner hlui, Sanjay Kothari leh advocate senior, Harish Salve te an tel.