Nirbhaya case : President-in zahngaihna lantir tura dilna a hnawl

Nirbhaya gangrape case-a pawngsualtu thiam loh chantir, thi tura an chungthu relsak pali zinga pakhat, Mukesh Singh-a'n a laka zahngaihna lantir tura a ngenna chu nimin khan President Ram Nath Kovind chuan a hnawlsak. 

January 15 khan Delhi sorkar chuan sorkar laipui hnenah Mukesh-a ngenna hi hnawlsak turin rawtna alo thlen tawh a ni. 

Delhi High Court chuan Nilaini khan pawngsualtu mi palite January 22-a khaihlum tura hremna, tihkhawtlai tura ngenna pawh a lo hnawl tawh bawk. HC chuan Patiala House court-in thiam loh chantir mi palite thi tura hremna pe a, January 22 zing dar 7-a khaihlum tura a tih chungchangah thil dik lo awm engmah a awm lo, a ti. Nimin khan Delhi High Court chuan kaihhlum tura tih mipali te hi February 1 zing dar 6-ah khaihlum tur an nih thu a tichiang ta. Prison rules-ah chuan President-in an dilna a hnawlsak aṭanga ni 14 hnuah chauh tihlum theih an ni.