Ram pumah One Stop Centre 700 din a ni tawh : Smriti Irani

Union Women and Child Development Minister, Smriti Irani chuan hmeichhia, kut tuarte ṭanpuina tura din, One Stop Centre chu ram chhunga distirct 700 chuangah din a nih tawh thu tarlangin, heng hmun aṭang hian hmeichhia nuai 8 chuangin ṭanpuina an dawng tawh bawk niin a tarlang.

Union Minister Smriti Irani hian Nilaini khan National Commission for Women (NCW) din cham vawi 32-na lawmnaah thu sawiin, Women and Child Development Ministry chuan One Stop Centre hi Nirbhaya fund hmanga din a nih thu a sawi. Hmeichhia, puipunna hmunah emaw, mahni inah emaw, fianrialah pawh ni se, tharum thawhna an tuar a nih chuan heng One Stop Centre-ah hian an tana ṭanpuina a awm reng thu a sawi.

One Stop Centre te hi administrator, case worker, medical mi, police officer, psycho-social counsellor, legal counsellor, security guard, IT lam thiam leh hna hrang hrang thawkin an vil reng a ni.