Jammu leh Srinagar airport veng turin CISF ruat

Jammu and Kashmir sorkar chuan hel leh firfiakte ram pawna an tlanchhiat lohna turin Jammu leh Srinagar-a airport vengtu turin Central Industrial Security Force (CISF)-te ruat an nih thu nimin khan a puang. 

Nilainia firfiakte puia puh vanga an man tak, airport security-a Deputy Superintendent of Police (DSP) nilai, Davinder Singh vangin Jammu leh Srinagar-a airport-te hi a hma aia uluk zawka ven an tum a ni. DSP berin a motor-a hel pahnih J&K tlanchhuahsan tum a phur an man tak avangin a hmaa airport veng ṭhintu Central Reserve Police Force (CRPF)-te chuan airport chhunglam an veng tawh dawn lo a, airport pawn leh a chhelhvel an veng tawh thung ang.

CISF-te hian airport chhunglam leh thlawhtheihna runway an veng ang. Tunthla tawp lam aṭang hian airport venhim hna hi an thawk dawn a ni.