Jharkhand-ah Bharat Jodo Nyay Yatra chhunzawm

Congress hruaitu, Rahul Gandhi kaihhruai Bharat Jodo Nyay Yatra chu a ni lina atan nimin khan Jharkhand-a Ramgarh district-ah chhunzawm a ni.

Yatra hi Pathianni zan khan Ramgarh district-a Sidhu-Kanhu ground-ah zan an riak a, nimin zing kar khan Mahatma Gandhi Chowk-ah bul ṭan leh niin, Chutupalu Valley lama kalin, hetah hian Rahul Gandhi hian India zalenna sualtu zinga mi; Saheed Sheikh Bhikari leh Tikait Umaro Singh te zahna chibai a buk a ni. Hemi hnu hian Ranchi district-a Irba-ah Indira Gandhi handloom Process ground-ah, puantahtute kawmna hun a hmang ang.

Rahul Gandhi hoa yatra neih mek hi nizan khan Khunti district-a chawl tura ruahman a ni a, ni riat chhunga chhawng hniha yatra kalpuiin, Jharkhand-ah hian km 804 chuang kal kual tur leh, hemi chhung hian district 13 tlawh hman tum a ni.