Parliament budget session hun pawtsei

Lok Sabha speaker OM Birla chuan Parliament budget session neih mek chu ni khat pawhsei a nih thu sawiin, February 10 thleng neih a ni dawn tih nimin khan a puang.

Budget session hi January 31 khan ṭan niin, February 9 thleng neih tura ruahman a ni. Mahse sorkar lam hian BJP sorkar ṭanna, kum 2014 hnu lam leh a sorkar hma, kum 2014 hma lama Indian economy dinhmun khaikhinna, 'white paper' chu House-ah pharh a duh avangin session neih hun hi a pawtsei a ni.

Union finance minister Nirmala Sitharaman chuan 'white paper' hi a pharh dawn a, Congress kaihhruai UPA sorkarin laia India ram economic dinhmun chhiat zia leh, BJP an sorkar hnuah ram economy an siamṭhat chhoh dante tarlan an tum. Parliament in hnih, Rajya Sabha leh Lok Sabha-ah 'white paper' hi a pharh ve ve dawn a ni.