PM-in MP-ah Rs. vbc. 7,550 man hnathawh tur tlangzarh

Prime minister Narendra Modi chuan nimin khan Madhya Pradesh-a Jhabua khua tlawhin, Madhya Pradesh tana hmasawnna hna thawhna tur, Rs. vbc 7,550 man tlangzarhin, lungphum a phum nghal.

Prime Minister hian tribal tamna district-a ṭhalaite mamawh phuhru turin Tantya Mama Bhil University dinna tur lungphum a phum a, he university sak nan hian Rs. vbc. 170 ruahman niin, university hmunhma chu khawvel huap pawha a ṭha ber pawl ni tura din a nih tur thu a sawi.

Hmasawnna hna thawhna tur a tlangzarh bakah hian PM Modi hian Aahar Anudan Yojana scheme hnuaia Madhya Pradesh-a hmeichhia nuai hnihte tan, thla tina an dawn tur pawisa a sem chhuak nghal bawk.

He scheme hnuaiah hian hmeichhiate'n ei tur ṭha an neih theih nan thla tin Rs. 1,500 pek ṭhin an ni. SVAMITA scheme hnuaiah, ram neitu dik tak lantirna lehkha, mi nuai khat chuang hnenah a sem chhuak bawk a ni.