Nitish Kumar-a'n House-ah fiahna a paltlang

13th February, 2024

Bihar chief minister, Nitish Kumar chuan Rashtriya Janata Dal (RJD) leh Congress party nena an thawhhona, Mahagathbandhan (Grand Alliance) chhuahsan a, NDA zawma sorkar thar a siam chu nimin khan Assembly House-ah fiahna a paltlangpui.

House-a Nitish Kumar kaihhruai sorkar thar fiaha vote lak dawn hian, Tejaswhi Yadav kaihhruaiin RJD MLA-te chu tel duh loin an chhuak a ni. Vote laknaah hian sorkar thlawp lamah vote 129 a tla.

Member 243 awm mekna Bihar Assembly-ah hian BJP chuan MLA 77 neiin JDU hian 44 a nei a, MLA pali nei HAM chuan NDA hi a thlawp bawk.