Congress-in loneitute tan MSP dan siam tiam

Loneitute'n MSP fixed tura dan siam an phutna sorkar laipuiin an theih loh tur thu an sawi hnuah, Congress chuan sorkarna an chang a nih chuan MSP fixed tura dan siam chu an tih nghal tur thu an sawi ve thung.

Congress hian party dang nena an thawhhona, INDIA chuan Lok Sabha inthlanah hnehna an chang a, sorkarna an siam chuan loneitute duh anga MSP dan siam hi an tih tur thu leh, chu chuan ram chhunga loneitu vaibelchhe 15 te tan hamṭhatna a ken tel tur thu an sawi. Chhattisgarh, Ambikapur-a rally an neihnaah, Congress president, Mallikarjun Kharge chuan he thu hi sawiin, Swaminathan Commission rawtna anga loneitute duh anga hmalak chu an tum thu a sawi a, Kharge hian loneitute duh tihpuitlinsak chu Lok Sabha inthlan atana Congress-in an thutiam hmasa ber a nih bawk thu a sawi.