Bharat Jodo Nyay Yatra ni 10-in titawi

Congress party chuan India ram state hrang hrang fanga, Rahul Gandhi kaihhruaia Bharat Jodo Nyay Yatra hman mekah ruahmanna thar siamin, yatra neih hun chhung tur chu ni 10-a tihtawi an tum thu an sawi.

Rahul Gandhi hian Uttar Pradesh-a hun an hman tur chu board exam tur avanga ni lia an tihtawi tur thu a lo sawi tawh a, yatra pumpui hman hun chhung tur chu ni 10-a tihtawi a nih tur thu hi nimin khan an sawi ve leh a ni.

Congress president, Mallikarjun Kharge chuan Lok Sabha inthlan atana inbuatsaihna lam aia yatra lama hun leh ngaihtuahna an seng tam zawk tur chu a ṭha lo niin a sawi. Yatra-ah hian party general secretary (Organisation) K.C. Venugopal leh general secretary (Com-munications) Jairam Ramesh te chuan Rahul Gandhi hi an zui tel a ni. Bharat Jodo Nyay Yatra hi March 20-a tihtawp tura ruahman ni mah se, ni 10-a tihtawi a nih chuan March 10-ah yatra hi tihtawp a ni dawn ta a ni.