Yatra-in Jharkhand a luh nawnna tur ṭhulh

Congress thupuangtu, Sonal Shanti chuan Rahul Gandhi kaihhruai, Bharat Jodo Nyay Yatra chu nimin khan Jharkhand-a lut leh tura ruahman ni mah se, Delhi-a loneitute nawrhnaa tel a ngaih avangin ṭhulh a nih zawk thu a puang. Sonal Shanti hian Jharkhand-a hun hman tur zawng zawng ṭhulh a nih thu sawiin, yatra hi hun dangah pawh neih chhunzawm an tum lo niin a sawi.

Jharkhand-ah hian February 2 khan yatra hi West Bengal aṭangin an lut tawh a, February 6 khan Odisha-ah an lut leh a ni. Ruahman dan chuan nimin khan Jharkhand hi lut leh tur niin, ni hnih cham tura beisei a ni a, heta ṭang hian Bihar pan leh tur a ni bawk. Hetih lai hian Rahul Gandhi hian hmanhmawh taka Delhi a pan a ngaih avangin Jharkhand hi a lut nawn dawn ta lo a ni. Jharkhand, Garwha district-a Ranka-a MGNREGA hnathawktute nen inkawmna nei tura programme siam tawh pawh Rahul Gandhi hian a telpui thei dawn lo a, Congress hruaitu dangte'n MGNREGA thawktute hi hun an hmanpui zawk dawn a ni.