Telangana : Gruha Jyothi scheme atan Aadhar neih a ngai

Telangana sorkar chuan electric bill, unit 200 chin hnuai lam hmangte tan a thlawna an hman theihna tur, Gruha Jyothi scheme-a inziak lut turte tan Aadhar neih a ngaih thu an puang.

Telangana sorkar hian he scheme atan hian inkaihhruaina leh ruahmanna an siamte puangin, Aadhar hman chuan langtlang, hlawk zawk leh awlsamna nasa tak a siam dawn niin an sawi. "Telangana khua leh tui, Aadhar nei lo chuan Aadhar siamin, he scheme atan hian an inziaklut thei ang. Aadhar an dilna chu scheme-a inziah luh nan an hmang thei dawn a ni," tiin an tarlang.

Electric unit 200 hmang tling lote tana pawisa chawi ngaih lohna hi nikuma Telangana assembly inthlana Congress thutiam pakhat a ni a, state chhunga chhungkaw nuai 80-te chu he scheme dawng thei tura beisei an ni. Gruha Jyothi scheme-ah hian Telangana khua leh tui nghet, anmahni hminga electric connection nei leh unit 200 hmang tling lote chauhin he scheme hi an dil thei a ni.