MHA nen inbiakna an neih dawn avangin Ladakh-ah chawngheia sorkar nawr an tum ṭhulh

Ladakh-a civil society pawl hrang hrangte chuan nimin aṭanga ṭan an tum, sorkar laipui nawr nana tiam chin awm loa chawnghei an tum chu Ministry of Home Affairs (MHA)-in inbiakna neihpui a remtih thu a sawi avangin an ṭhulh.

Civil society pawl hrang hrangte hian Ladakh tana state hran phutin sorkar an nawr mek a, hei bakah constitution sixth schedule hnuaia helai hmuna chengte tana tribal status pek leh Ladakh tana Public Service Commission din te an phut bawk. Ladakh-a BJP MP hlui, Thupstan Chhewang leh education reformer, Sonam Wangchuk te chuan chaw ngheia nawrh hi huaihawtin, Ladakh UT tana constitution kaltlang venhimna pek an phut thu an tarlang bawk.

MHA leh Ladakh-a civil pawl hrang hrang hruaitute hi February 24-ah inbiakna nei tura ruahman a ni a, hetih lai hian MHA chuan Ladakh tana state pek hi inbiakna an neih hunah pawh an tiam lo niin an sawi a, mahse, hill council Leh leh Kargil thuam chak erawh an tum niin an tarlang thung.