Covid-19 vanga hna chan vbc 1.89 awm tawh

Kumin April thla aṭang khan Covid-19 hri leng vangin India ramah hna chan mi vaibelchhe 1.89 an awm tawh a, July thla chhung bik hian mi nuai 50 velin an hna an chan niin Centre for Monitoring Indian Economy (CMIE) chuan a tarlang.

Hripui leng vanga ram puma inkharkhipna kalpui a nih avangin mi tam tak chu an khaw lamah te an haw a ngaih avangin an hna an chan phah a, hnathawhna hmun tam tak hawn a la ni lo bawk. 

April thla khan hna chan vaibelchhe 1.77 awmin, May thlaah mi nuai khat vel an awm belh leh bawk. Mahse inkhuarkhirhnate thlah dul a nih chhoh hnuah, June thla khan hna zawm leh mi nuai  39 vel an awm leh a ni.