Jammu and Kashmir-a CAPF 10,000 la chhuak tur dawn

Sorkar laipui chuan Jammu and Kashmir (UT)-a Central Armed Police Forces (CAPF) 10,000 chu a rang thei ang bera lachhuak turin Nilaini khan thupek a tichuak.  

Nikuma August thlaa Article 370 tihtawp a nih khan, J&K-ah hian buaina chhuak tur veng turin sipai tam tham tak dah belh an ni. Ministry of Home Affairs (MHA) chuan J&K-a sipai dah chungchanga a enlet hnuah sipai ṭhenkhat chu lakchhuah turin a ti ta a ni. May thla khan home ministry chuan CAPF company 10 a lo lachhuak tawh a, nikum December thla khan unit 72 lak chhuah a lo ni tawh bawk. 

August 19 khan CAPF company 100 lakchhuah lehna tur chu MHA chuan a tichhuak ta leh a, tun kar chhung hian CRPF company 40 leh Central Industrial Security Force, Border Security Force leh Sashastra Seema Bal company 20 ṭheuh chu J&K aṭang hian lakchhuak an ni ang.