UP-a review officer exam ṭhat phutin nawrh huaihawt

Uttar Pradesh Secretariat Board of Revenue-a review officer leh assistant review officer 411 lak tur leh Uttar Pradesh Public Service Commission (UPPSC) exam, February 11, 2024-a neih zawh takah zawhna put ru a awm nia hriat a nih avangin, Thawhṭanni khan heng hna laka exam hmachhawn mi eng emaw zat chuan exam ṭhat phutin nawrh an huaihawt.

Uttar Pradesh sorkar hian heng hna lak chungchangah thil dik lo a awm nia an hriat chuan exam hmachhawnte chuan February 27 thleng complaint an theh luh theih tur leh, an chhui chian tur thu a puang tawh a, UPPSC pawhin zawhna put ru chungchang hi a chhui zui mek bawk a ni.

Nawrh huaihawtte hi Pragyaraj-a state service commission office kawtah pung khawmin, police-te nen an innawr buai a, social media-a video darh ṭhenkhatah chuan police-te hian pungkhawmte hi an vaw lai leh an um darh lai hmuh tur a awm. Police-in nawrh huaihawtte kut an thlak chungchangah hian Pragyaraj Nagar deputy commissioner of police chu biakpawh theihin a awm lo bawk. UP-a review officer leh UPPSC exam atan hian mi 10,76,004 zetin form an fill up a ni.