Modi hian inhuatna thlenin mipui a ṭhendarh : Sonia Gandhi

Assam inthlanpui atana campaig-na kal zelah, Sonia Gandhi chuan PM Modi chu inhuatna thlentu leh ram mipui ṭhendarhtu a ni a ti.

Assam-a Barpeta district-a kawngzawh an huaihawtah Sonia Gandhi chuan thusawiin, hnam bil politics khela huatna thlenah Modi a puh. " A zinkualnaah mi a kuah a, ram tan thu pawimawh tak tak a sawi a; mahse a a rawn let hnuah inhuatna thu a tlangaupui leh si" a ti.

"Assam-ah hian chibil inlakhranna lam hawi kalpui a ni mek a, hei hi BJP te tihchhuah a ni. Hnam leh khawtlang a tiphel a; hmangaihna, remna leh chen hona a tichhia a ni. Assam hi hnam hrang hrang lungruala chenna a ni ṭhin a, Modi leh a ṭhuihruaiten thutiam diklo hmangin mipui an ṭhendarh mek a ni" a ti.

Kum 15 kalta khan Assam chu hmun ralṭi, buaina leh tharum thawhna a ni ṭhin a, Tarun Gogoi leh a thawhpui ten sorkarna an siam
aṭangin remna, hmasawnna a thleng thei chauh tih Sonia Gandhi chuan a sawi.