Lalu-a bail dilna ngaihtuah hun sawn hla

Jharkhand High Court chuan Bihar chief minister hlui leh Rashtriya Janata Dal (RJD) hotu, Lalu Prasad Yavad-a'n fodder scam case pakhata bail-a dilna ngaihtuah hun tur chu kar rukin a sawn hla. 

Lalu Prasad hi centre aṭanga ranchaw man tur pek tihchingpen chungchangah thubuai pathumah thiam loh chantir a ni. Thubuai pahnihah hian bail-a chhuah a dilna chu phalsak a ni tawh a, Dumka treasury case-a bial a dilna ngaihtuah hun erawh sawn sak a ni. Lalu chuan he thubuai avanga a tan hun tur, kum sarih aṭangin a zahve (thla 42 leh ni 28) a tang tling tawh tih sawiin, bail hi a dil a ni. 

Mahse Central Bureau of Investigation (CBI) chuan Lalu hi thla 34 leh ni tlemte chauh a la tlang niin a sawi a, a tan hun zahve tang tur hian thla riat dang a la ngai tih a sawi thung. 

Justice Aparesh Kumar Singh chuan kar ruk hnuah bail dilna hi ngaihtuah ṭhat leh turin nimin khan a dah a ni. 

Lalu-a'n bail a dilna, Dumka treasury case-ah hian kum 1995, December leh 1996, January inkar khan sorkar laipui aṭanga fund dawn, cheng vaibel­chhe 3.76 chu dik lo taka lak chhuah nia sawi a ni.