Cabinet-in rooftop solar scheme atan Rs vbc 75,000 pawm

Union cabinet chuan Ningani khan rooftop sorkar kalpuina tur, “PM-Surya Ghar: Muft Bijli Yojana” (PM Free Electricity scheme) atan Rs vbc 75,000 a pawm.

He scheme hmang hian thla tin chhungkaw vaibelchhe khat hnenah 'free electricity' unit 300 zel pek theih an ni dawn a ni. Mahse scheme kalpui dan tur kimchang tak erawh an sawilang tel lo.

Power Ministry thuchhuah chuan, 2kw (kilowatt) system install-na tur atana senso aṭangin sorkar laipui chuan 60% a tum dawn a, 2-3 kW system-ah 40% a tum dawn niin a tarlang. Central subsidy hian hei aia wattage sang erawh a huam tel lo ang. Tuna ruahmanna siam dan chuan, 1kw system chin tan subsidy Rs 30,000, 2kw system tan Rs 60,000 leh 3kw system tan Rs 78,000 a nih thu a tarlang bawk.

Rooftop solar system siam duhte chuan central portal aṭangin subsidy hi an dil thei dawn a, portal hian an system size hman tur thlan kawngahte lo puiin, information pawimawhte a lo hrilh nghal ang.