HP-ah MLA hlawh 100% in tipung

Ram chhung hmun hrang hrangah sum harsatna avanga loneitu intihlum an pun zel laiin Himachal Pradesh-a Congress sorkar chuan MLA hlawh punna tur a pass, hlawh pung tur hi tuna hlawh mek aṭanga chhutin 100% a ni. Hlawh thar tur pawm tak ang chuan MLA te hian thla khatah 1,20,000 an hlawh ang.

Eptu pawlten tunhnaia Enforcement Directorate (ED) in Chief Minister Virbhadra Singh laka case an siam sawiho an phutna hnawl a nih hnu lawkah, HP Assembly house-a MLA te hian an hlawh tihpunna tur hi an pass a ni. Tun dinhmunah HP-a MLA te hian thlakhatah cheng nuai 1.32 an hlawh mek a ni.

Hlawh tihpun bakah DA Rs 1500 an dawn ṭhin chu Rs 1800 ah tihsan a ni a, Thlawhna leh Rel chuan man kumtin cheng nuai hnih leh singnga phalsak an ni bawk. Congress sorkar-ah hian Bill sawihona awm loa pass a ni fo chu MLA ṭhenkhat an lungawi lo hle.