Loan rulh loh vangin Union minister Chowdary manna tur tichhuak

Union minister Chowdary chu loan a lakte a rulh ṭhat loh avangin Ad≠di≠tional Chief Metro≠politan Magistrate chuan manna tur thupek a tichhuak. Manna thupek tihchhuah hi bail theih loh a ni nghe nghe.

Union Minister of State for Science and Tech≠nology Chowdary hi Mauritius Commercial bank hnena loan a puk rulh≠na tur cheng vaibel≠chhe 106 a pek theih loh vangin a company Sujana Universal Industries Ltd lakah case file a ni.

Mauritian Bank Ukil Sanjeev Kumar chuan minister hi court-a inlan tura koh a nih pawhin a pha zel a, March 22 khan a inlan lo leh a ni. Tichuan April 1 khan manna tur warrant hi court chuan a tichhuak ta a ni a ti. Chowdary hi An≠dhra Pradesh aṭanga Rajya Sabha member a ni. Chowdary chuan Court-ah hian inlan duh lo ni loin hna hmasa dang a neih vanga inlan theilo a nih thu sawiin, dan rorelna chu a zah tih a sawi.