Kolkata leichim Pathian hnathawh : Modi

Prime Minister Narendra Modi chuan West Bengal-a rorel mek Trinamool Chief Minister Mamata Banerjee demin, Kolkata khawpuia lei dawh mek chim ta chu Pathian hnathawh niin Trinamool Congress lak ata mipuite humhim a tumna zawk a ni a ti.

"Lei dawh a chim a, manganthlak tak a ni; mite chuan mipui hum leh chhanchhuak turin an bei a. Mamata Banerjee ve thung chuan eptu party te hnathawhah a puh hlauh si. Eptu lam Left party emaw midang sawi a hun lo, nunna chante leh chan mekte ngaihtuah zawk rawh" tiin Modi chuan Mamata Banerjee a kap.

Modi chuan lei dawh hi zawh fel niin, hawn ni ta se contract petu Left party hming hi a sawi ri lo ang. Didi ngeiin hlawkna hi a pumbilh ang, a chim tak vang maia midang puh hi a ṭha lo a ni a ti.

Tunhnaiah Trinamool hruaitu pakhat chu thamna sum a dawng lai man a ni a. Hemi chungchang hi sawi langin, Modi chuan Banerjee sorkar chu eiruk sum leh thihna vanga buaina in a bawm. Lei chim chhiatna hi Pathian hnathawh a ni a, a tak takah chuan sorkar hnathawh lem lutuk vang a ni a ti.