CAG-in Supreme Audit Institution iCAL din a nih tur thu puang

Comptroller and Auditor General of India (CAG), Girish Chandra Murmu chuan Supreme Audit Institution India-a International Centre for Audit of Local Governance (iCAL) chu Rajkot, Gujarat-ah din a nih tur thu a puang.

Girish Chandra Murmu hian ‘Strengthening of Grass Roots Democracy and Accountability’ hmanga ni thum awh international conference neih ni hnuhnung berah he thu hi sawiin, ram mipuite nunphung chu inrelbawlna hniam ber pawhin a nghawng thu sawiin, account audit chungchanga awmze nei zawk leh kalphung hlawk zawk neih chuan a chhunga cheng mipuite tan hlawkna nasa tak a ken tel thu a sawi.

"Sorkar inrelbawlnaa mipui hnaih bera sawi ṭhin, local government-a sum che vel audit ṭhin hi kalphung leh tihdan a inan loh avangin a harsain a hautak hle a, auditor-te theihna leh thiamna tipung tura hmalak bakah, local government-a hnathawktute sum khawih leh sum chetvel dan hrethiam tura inzirtirna neih belh a ngai nasa a ni. Local goverment-a official-te nena tlang taka inbiakpawh theihna tur kawng hawn a nih chuan audit hi awlsam zawkin a kalpui theih bawk ang. Hei vang hian iCAL pawh hi din tura ruahman a ni," tiin a sawi bawk.