Aviation Ministry-in Helicopter Emergency Medical Services tlangzarh

Ministry of Civil Aviation (MoCA) chuan India ramin healthcare lama hma a sawnna pakhat atan, emergency-a helicopter hman theih; Helicopter Emergency Medical Services (HEMS) an tlangzarh.

HEMS atan hian tender chhuah niin, Rishikesh-a All India Institute of Medical Sciences (AIIMS) helipad hmang turin helicopter pakhat, kum khat chhung atan ruahmanna siam phawt a ni a, helicopter hi emergency-a hman tur inenkawlna hmanruaa thuam vek niin, stretcher leh hmanraw dang dang chhawp a ni bawk. He helicopter-ah hian damlo pakhat leh a enkawltu pahnih chûan theih a ni dawn a, mel 100 huam chhungah chuan mumal taka service thei tura ngaih a ni.

MoCA hian HEMS hi India ram puma kalpui theih an beisei thu sawiin, emergency-a helicopter hman theih tur awm hian kawngpui hmang ambulance a chhawk zangkhai theih dawn bakah, manganna nasa tak a tihkian theih an rin thu an sawi. Tuna an tlangzarh thar, AIIMS Rishikesh aṭanga service turah hian AIIMS Rishikesh te chuan inenkawlna chungchang bakah helicopter-a hmanraw awm chungchangah te mawh an phur dawn a ni. HEMS hi Madhya Pradesh leh Odisha te pawhin an state-a kalpui a nih theih nan hma an la ve mek niin tarlan a ni bawk.