NIT Srinagar exam buatsaih zirlai 1,000 chuangin chhang lo

National Institute of Technology (NIT), Srinagar-a buaina chhuak chu a ziaawm tak avangin ruahman lawk angin college thuneitute chuan Thawhṭanni khan exam an buatsaih a, mahse state pawn lam mi zirlai 1,000 ten exam hi an chhang lo.

NIT-ah hian zirlai 2,500 chuang an awm a, tunhnaia college-a buaina a chhuah avang hian pawn lam mi zirlai tam zawk chu an tlanchhe haw a ni. Board of Governors of NIT Srinagar chuan Thawhṭanni vek khan meeting nei nghalin, zirlai exam pe thei lote tan hian hun dangah an exam phalsak an rel a ni. Hei bakah zirtirtute chu state pawn lam mi zirlaite be pawp tur leh, tual≠chhung mi zirlaite nen an inkar boruak a ṭhat theihna tura hma la turin an ti bawk.

Hetihlai hian police-te chuan Delhi aṭanga kal mi pathum, college campus chhunga hnam puanzar zar tumte chua an lo dang a ni. NIT official chaun campus boruak pawh a muanawm tawh a, thil duhawm lo thleng dang a awm lo tih a sawi.