BJP, TDP leh Jana Sena-te an thawkho dawn

Bharatiya Janata Party (BJP), Telugu Desam Party (TDP) leh Pawan Kalyan kaihhruai, Jana Sena Party (JSP) te chuan Lok Sabha inthlanpui leh Andhra Pradesh state assembly inthlan-a an thawhho tur thu an puang.

Party pathum; BJP, TDP leh JSP-te hian thawhhona nei tur hian Delhi-ah ni thum zet an inhmu khawm a, prime minister Narendra Modi kaihhruai sorkara thawhho an duh thu hi sawiin, seat insem dan tur erawh an la sawi lang lo. Hetih lai hian Andhra Pradesh-a Lok Sabha seat 25 aṭanga seat paruk hi BJP-in chuh a, JSP-in seat pahnih leh TDP-in seat 17 chuh tur anga inremna awm thei nia rin a ni. Andhra Pradesh state assembly inthlan atan eraw assembly seat 175 awm aṭangin BJP leh JSP -te hian seat 30 chuh tura an insem beisei a ni.

Inthlan atana an thawhhona tur an puan hian TDP leh BJP chuan hun rei taka ta tawh inzawmna ṭha tak an neih reng thu an tarlang. Thuchhuah an siam hma lawk hian TDP hruaitu, Chandrababu Naidu chuan,"Andhra Pradesh hi nasa takin sawp chhiat a ni a, BJP leh TDP thawk dun hian ram leh state tan hlawkna nasa tak a thlen ngei ang," tiin a sawi a ni.