PM Modi-a'n airport project 15 atan lung a phum

Prime minister Narendra Modi chuan Pathiannni khan Uttar Pradesh-a Azamgarh aṭangin India rama airport siamna tur project 15 lungphum phumin, hemi rual hian terminal building 12 sak belhna tur, Rs. vbc. 10,000 ruahman a nih thu a sawi.

PM Modi-a'n terminal building 12 sak belh tura ruahmanna siam a tlangzarh zingah hian Pune, Kolhapur, Gwalior, Jabalpur, Delhi, Lucknow, Aligarh, Azamgarh, Chitrakoot, Moradabad, Shravasti Adampur airport terminal building te a tel a, terminal thar sak turin Kadapa, Hubballi Belagavi airport-te ruahman a ni bawk.

Financial Year 2023-2024 chhung hian Airports Authority of India (AAI) chuan Chennai, Port Blair, Surat leh Tiruchirappalli airport-a terminal building sak tharte chu hman theihin a buatsaih hman a, PM-in a tlangzarh tak, terminal building sak belh tur 12-te pawh hi AAI-te hian an kutken dawn a, heng terminal building thar atan hian Rs. vbc. 8,903 ruahman a ni a, kum tin passenger nuai 615 chuang dawng thei tura beisei a ni.