India Covid-19 recovery rate 84.7%

India ramah Covid-19 kai hmuh belh zel la ni mah se hri kai zinga dam tawh an pung ve zel a, nimin thleng khan hri kai enkawl dam, recovery rate chu 84.7% a tling tawh a ni.

Union health ministry chuan hri kai hmuh tawh zinga 13.75% chauhin hri hi an la kai mek a, a tam zawk chu enkawl dam an ni tawh a ni, a ti. Enkawl dam rate pawh a pung chho zel tih a sawi. 

Thawhṭanni khan state leh UT 25-ah hri kai hmuh thar aiin enkawl dam an tam zawk. Hemi nia hri kai dam  zinga 74% chu state leh UT 10 - Maharashtra, Andhra Pradesh, Karnataka, Tamil Nadu, Kerala, Uttar Pradesh, Odisha, Delhi, Chhattisgarh leh West Bengal-a mite a ni. State zingah hri kai tamna ber, Maharashtra-ah chuan Thawhṭanni khan hri kai enkawl dam mi 13,000 dawn an awm a ni. 

Hri kai hmuh thar mi 61,267 zinga 75% chu state leh UT 10-a mi an ni. 

He hripui thihpui mi 884 zingah 80% dawn chu Maharashtra, Karnataka, Uttar Pradesh, Tamil Nadu, West Bengal, Andhra Pradesh, Punjab, Chhattisgarh, Delhi leh Madhya Pradesh ami an ni bawk.