Union minister hlui Dilip Ray thiam loh chantir

Union minister hlui Dilip Ray chu nimin khan Delhi-a special court chuan coal scam case thubuai kal zelah thiam loh a chantir.  

Nimin khan kum 1999-a Jharkhand-a dik lo taka coal block inpek chungchang thubuai chu special court chuan a ngaihtuah leh a, prime minister hlui Atal Bihari Vajpayee hun laia Minister of State (coal), Dilip Ray chu Judge Bharat Parashar chuan thiam loh chantir a nih thu a sawi ta a ni. 

Dilip Ray bakah hian khang hun laia Ministry of Coal-a senior official hlui pahnih, Pradip Kumar Banerjee leh Nitya Nand Gautam bakah Castron Technologies Ltd (CTL) director Mahendra Kumar Agarwalla pawh special court chuan thiam loh a chantir bawk. October 14-ah special court chuan thiam loh chantirte hnena hremna pek tur hi a ngaihtuah leh ang.