AAP hruaitu Sanjay Singh RS member atan lak luh a ni

Delhi excise policy thubuai avanga man a nih hnua Rajya Sabha member a nihna an hlihsak, Aam Admi Party (AAP) hruaitu, Sanjay Singh chu a term hnih nan Rajya Sabha member atan thlan leh niin Thawhlehni khan rinawmna thu tiamtira lak luh a ni.

Sanjay Singh hi Delhi excise policy thubuai avangin July 24, 2023 khan Rajya Sabha aṭanga suspend a ni a, August 11, 2023 khan privilege committee-in zir chianna neia a pawm leh hma chu Rajya Sabha member a nihna hi hlihsak turin thu tihtluk a ni. October 4, 2023 khan Tihar jail-ah dah a ni a, a chungthu ngaihtuah mek ni mah se, Delhi aṭang hian Rajya Sabha member of parliament ni tura thlan leh niin, Thawhlehni khan Delhi high court chuan Parliament a tlawh a phalsak leh a ni. Parliament session neih lai a nih loh avangin Sanjay Singh lak luhna hi house-ah hman a ni lo a, vice president Jagdeep Dhankar chuan lak luhna hun hi a kaihhruai a ni. Tihar jail-a dah a nih avang hian Sanjay Singh hi Rajya Sabha member thar lak luh, February 5-a neihah khan a tel ve thei lo a ni.