Kanhaiya Kumar thahah an vau

Jawaharlal Nehru University students union president Kanhaiya Kumar leh research scholar Umar Khalid-te chu an bus chuan ṭhinnaah thaha vauna lehkha bakah pistol leh a mu chhar a ni. Hei vang hian Delhi Polcie-te chuan venhimna ṭha zawk an pe nghal a ni.

Police-te chuan Ningani zan dar 6 vel khan central India-a India Gate bula DTC bus-ah tualchher pistol leh a mu pali chhar a nih thu hriattir an nih thu an sawi. He bus number 605 hi Vasant Vihar leh Old Delhi rel station inkara tlan ṭhin a ni, chawhnu dar 1 hma chuan JNU campus chhungah a tlan bawk ṭhin.

Bus-a lehkha an hmuhah hian Anil Jaani tih hming a inziak a, Kumar leh Khalid-te lu tansak thei hnenah lawmman pek a tiam. Police-te chuan Arms Act hnuaiah thubuai an ziaklut nghal a, univeristy pawh vauna lehkha an hmuh hi hriattir nghal a ni bawk.

Ningani vek khan Bajrang Dal activist nia hriatte chuan Nagpur-ah Kanhaiya Kumar chu lungin an lo tawng a, mahse hliam tuar loin a chhuak thei a ni. Police-te chuan hei thila inhnamhnawih mi 10 an man. Kanhaiya Kumar hi Progressive Students Youth Action Committee sawmna angin BR Ambedkar pianchawm lawmna inkhawma thusawi turin Nagpur-ah hian a kal a ni.