File pawimawh buaipui tur team thar din

Home Ministry-a thil fel tawk lo leh document put ru a awm leh ṭhin avangin sorkar laipui chuan file pawimawh leh thuruk ,ítop secret fileí buaipui tu tur bik team thar a din. He team-a tel turte pawh uluk leh fimkhur takin thlan an ni ang.

Official pakhat chuan thla hmasa khan thuruk pawimawh tak awmna file chu a bo leh niin a sawi a, he thil thleng hi chhuizui a nih hnuah file kengchhuaktu official pawh chu hrem a ni tawh a ni, a ti. Kum 2015 chhung khan Home Ministry hnuaiah hian official, dan loa thilti hrem chu 16%-ah a pung niin a sawi bawk.

March thla khan Home Ministry chuan thuchhuah siamin, MHA hnuaia thawk, top secret file khawih leh, thil pawimawh dang khawih chinte hming chu ziahchhuah vek a tum thu a lo sawi tawh. File pawimawh khawihtu turte chu uluk tak leh fimkhur takin thlan chhuah an ni dawn a ni, a ti.