Odd-even scheme : Ni hnih chhungin mi 1,000 chuang sum chawitir

Delhi sorkarin khawpui boruak bawlhhlawh leh traffic tawt lutuk tih≠ziaawmna tura motor number kawpkim leh kawpkim lo a intlanchhawk tir, Odd-even scheme thawh hnihna chu April 15 aṭang khan hman ṭan a ni a, ni hnih chhungin dan bawhchhia mi 1,000 chuang sum chawitir an ni.

Scheme hi hlawhtling taka kalpui ac nih theih nan sorkar chuan duty tam tak a dah a, Chief Minister Arvind Kejriwal-a chuan a hlawhtling hle niin a sawi. Hetihlai hian BJP leh RSS chu Delhi sorkar scheme siam chu tihhlawhchham tir tumah a puh bawk. A twitter-ah hei hi tarlangin, Kejriwal chuan, "BJP chuan mipuite chu odd-even scheme chu bawhchhe turin a fuih a, BP auto union chuan nawrh an huaihawt bawk a ni. RSS leh BJP chuan odd-even scheme hi hlawh≠chham turin an duh a, mahse BJP thil duh hi kan tihhlawhchham dawn a ni" a ti.

Kumin January thlaa a thawh khatna atana scheme kalpui a nih ṭum pawh khan BJP chuan tihhlawhchham tumin officer nawrh an huaihawt a, mahse mipuite chuan BJP thiltum chuan an hlawhchham tir ta zawk a ni tiin Kejriwal chuan a sawi.

Delhi khawpuiah hian kum 2015, March 31 thleng khan car register nuai 26 chuang a awm a ni.