Kristianten Good Friday pualin hun hmang

Kristiante tana hun pawimawh, Good Friday chu nimin khan hman a ni a, India ramah pawh hmun hrang hrangah Isua Krista tuarna ṭawmpuina pualin hun hman a ni a, kohhranten inkhawm buatsaihin, kross kawngzawhte an nei bawk.

Prime minister Narendra Modi pawhin Good Friday pual hian a X-ah thuchah a post a, Isua Krista inpekna ropui zia chu hriatreng a nih thu te, khawngaihna leh ngaihdamna chungchanga a zirtirna ropui tak aṭang chuan mitinin chakna an chhar a beisei thute a sawi.