President-in mi panga hnenah Bharat Ratna a hlan

India ram civil mi chawimawina sang ber, Bharat Ratna chu President Droupadi Murmu chuan nimin khan mi panga hnenah a hlan. President hian Rashtrapati Bhavan-ah hun tawite hmangin, anmahni thi tawh mi pali hnenah Bharat Ratna a hlan a ni.

President-in Bharat Ratna a hlante hi - India Prime Minister hlui pahnih; PV Narasimha Rao leh Chaudhary Charan Singh te bakah, Bihar chief minister hlui, Karpoori Thakur leh Agronomist, Dr. MS. Swaminathan te an ni. President Murmu hian kumina Bharat Ratna hlan tur zinga thlan pakhat, Deputy Prime Minister hlui, LK. Advani chu a chenna inah Bharat Ratna hi a hlan bawk. President hi Vice President, Jagdeep Dhankar, Prime Minister, Narendra Modi, Home Minister, Amit Shah, leh Defence Minister Rajnath Singh te chuan an ṭawiawm. Advani hi a hriselna ṭhat tawk loh avangin chawimawina dawng tur hian a zin chhuak thei lo a ni.